Um okkur

Ákvað að senda ykkur línu mig langaði að láta ykkur vita að nuddbaðið sem ég keypti hjá ykkur er algjör SNILLD!!!

Þetta er almennilegt að bjóða gæðavöru á normal verði ég hefði bara látið mig dreyma um nuddbað með öllum þessum græjum ef þið hefðuð ekki komið til sögunar því verðin á þessu hér á landi hafa hingað til verið fáránleg Takk fyrir þetta !!!
-Kveðja Snorri P á austurlandi

Við keyptum okkur nýja íbúð í janúar sem við fengum afhenta um páska, þegar við skoðuðum sáum við að sturtuklefinn var orðin ansi lúin, en ekki var endilega á dagskránni að drífa sig í að skipta strax. En svo þegar á reyndi og við fórum að nota 80x80 gamla klefann þá bæði rákum við okkur í allar hliðar auk þess að húsbóndinn þurfti að notast við "Ragnar Reykás" til að komast undir bununa!! þá í þokkabót þurfti að hlaupa um "allt" til að reyna að komast undir dropana sem láku úr græjunni! Nú voru góð ráð dýr, við skoðuðum í Byko og fleiri stöðum og vorum svo að spá bara í að hlaða stærri sturtu og fá okkur svo bara hurðar, þegar okkur var bent á Sturta.is af vini okkar. Við fórum inn á vefinn á páskadag og leist svo vel á að við pöntuðum okkur strax klefa bara eftir hálftíma! Á þriðjudeginum hringdum við svo í Drífu og Gunnar bara til að vera viss um að pöntunin hefði skilað sér. Því að á vefnum voru upplýsingar um að eftir í næstu pöntun væru 3 pláss eða 1. apríl... aldrei að vita hversu gamlar svona upplýsingar eru... en viti menn, allt update þarna, þegar okkar pöntun kom inn þá voru 2 pláss eftir daginn eftir !!!! Klefinn átti svo að koma um miðjan maí, en þau hjón voru svo elskuleg að láta okkur hafa sinn klefa sem þau voru að fá og ætluðu að nota fljótlega en gæti tafist að þeirra sögn og viti menn uppúr 20 apríl var klefinn kominn norður. Við fengum "píparavin" okkar til að setja herlegheitin saman, það gekk bara vel en tók 3 kvöld, fyrst færðum við lagnirnar í hornið svo voru 2 kvöldstundir sem fóru í að raða saman. Mesti höðuðverkurinn við það var að finna út hvaða skrúfur ættu að vera hvar!!! fullt af auka skrúfum, boltum og pakkningum þannig að okkur leist ekki á blikuna, fundum engan veginn nógu mörg göt fyrir allt, en eftir að við töluðum við Gunnar létti okkur þar sem okkur var tjáð að það væri vel af aukadóti með;-)

Núna sturtum við okkur alveg hægri vinsti, húsbóndinn stendur uppréttur og alsæll með fullt af vatni, allar græjurnar virka svona vel. Við förum með alla okkar gesti í "tour" inn á bað og sýnum þetta eins og stoltir foreldrar.

Við sjáum ekki eftir að hafa farið að ráðleggingum Drífu að kaupa klefa með ljósum, við vorum búin að ákveða ódýrari, fannst við ekkert hafa með gufuna að gera, en eftir á að hyggja erum við ákaflega sátt við að hafa bætt við 35.000.- og fengum miklu fallegri og veglegri sturtu. Við teljum okkur hafa sparað amsk 100 þús miðað við verðlag í verslunum, og þá erum við að tala um plain klefa með blöndunartækjum og tilheyrandi, þarna erum við með loftsturtu, handsturtu, nudd og fótanudd + gufu. Við mælum eindregið með að fólk spái í þetta! Okkur var bent á hvort ekki þyrfti forhitara og að hitaveituvatnið okkar myndi skemma leiðslur og svo framvegis, en við sprautum inn í klefann að lokinni sturtu með köldu vatni með handsturtunni og skellum svo aðeins í endann á loftstútinn, held að með þessu haldist hann lengur sem nýr.

-Rannveig og Rúnar

Mig langar til að þakka fyrir viðskiptin sem gengu snurðulaust fyrir sig og lýsa ánægju minni með baðkarið.
Þetta er einfalt í uppsetningu og rótvirkar, svo skemmir ekki fyrir hvað það er flott. Og verðið maður, minnstu nú ekki einu sinni á það.
-Ánægður hafnfirðingur

Fyrir 8 árum síðan sáum við hjónin fyrst hornbað. Okkur fannst þetta æðislegt og hétum hvort öðru því að einhverntíman skyldum við eignast svona flottheit. Eini gallinn við þann draum var að hornbaðkerin sem við sáum voru ekki með nuddi. Það var fjarlægur draumur.
4. árum síðar byggðum við okkur hús. Þá vorum við ákveðin í að láta þennan draum okkar rætast nema hvað að nú var hann með nuddi. Ekki höfðum við alveg efni á svo miklum flottheitum þar sem þetta var tiltölulega dýrt. Vorum við þá ákveðin að geyma þennan draum þar til við hefðum ráð á að láta hann rætast.
Fyrir nokkrum vikum vorum við að “þvælast” um á netinu og sáum við okkur til mikillar undrunar auglýsingu frá www.sturta.is og fórum við að spá og spegúlera í þessu öllu saman og okkur fannst verðið svo “afkáralegt” að það gæti barasta ekki staðist. Eftir nokkrar bréfaskriftir við Drífu ákváðum við að skella okkur í að kaupa hornbað. Það sem kom skemmtilegast á óvart var að þetta bað sem við höfðum huga á að var ekki einungis með nuddi…nei….heldur ÚTVARPI líka…það toppaði meira að segja bíómyndirnar sem við höfðum séð í gegnum tíðina, einnig að baðið kæmi með fullkomnum blöndunartækjum og fullkominni (vatnsheldri) fjarstýringu á þessu verði var ótrúlegt.
Við borguðum helminginn í baðinu og krossuðum fingur að það væri ekki verið að pretta okkur.
4 vikum síðar var hringt í okkur og viti menn!!...baðið var komið og við máttum sækja það. Þetta var með betri símtölum sem maður hafði fengið lengi.
Við skelltum okkur og sóttum baðið, drifum í að setja það upp og það virkaði svona glimrandi vel líka. Urðum sko ekki svikin þar.
Drífa og Gunni TAKK FYRIR OKKUR !
-Kveðja, Helga og Stefán, Álftanesi

Mig langar að segja frá reynslu minni af www.sturta.is !Þar sem við hjónin stöndum nú í húsbyggingu og erum búin að vera að líta í kringum okkur með allt það sem okkur vantar í húsið þá rakst ég á www.sturta.is Ég var búin að vera í Byko og Húsasmiðjunni og á fleiri stöðum og það sem í boði var, voru sturtuklefar á 60 þúsund og upp úr. Ódýrustu sturtuklefarnir voru ekki með neinum blöndunartækjum heldur alveg strípaðir.
Ég greip því fegins hendi tilboði frá www.sturta.is og sé svo sannarlega ekki eftir því. Við fengum sturtuklefa með alls kyns nuddi og tveimur sturtum og fleiru á ótrúlega góðu verði. Ég ákvað bara að treysta þessu fólki þrátt fyrir að þekkja það ekki neitt og það hefur margborgað sig. Áður en klefinn kom þurfti ég að borga helminginn og svo bara biðum við og borguðum restina við afhendingu.
Þetta gæti ekki hafa verið þægilegra, skoða á netinu, borga í heimabankanum og sækja svo.
Ég mæli alveg 100% með www.sturta.is og er þess fullviss að enginn verður svikinn með vöruna sína! Kærar þakkir fyrir okkur !!
-Kveðja, Ásdís og Gunni, húsbyggjendur í Kópavogi.

Ég hef nokkrum sinnum á undanförnum árum þurft að leita til ykkar vegna varahluta og alltaf fengið úrlausn minna mála. Ég vil þakka frábæra þjónustu og gott viðmót sem skapast af góðu starfsfólki og skilningsríkum yfirmönnum.